Շարունակվում է Լաչինի միջանցքի շուրջը ստեղծված իրավիճակի հանգուցալուծման ուղիների որոնումը. Զախարովա
Լաչինի և ընդհանուր Լեռնային Ղարաբաղի շուրջը ստեղծված իրավիճակի հանգուցալուծման ուղիների որոնումը շարունակվում է: Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան:
Նրա խոսքով՝ համապատասխան շփումներ են տեղի ունենում Հայաստանի և Ադրբեջանի հետ՝ ՌԴ արտաքին քաղաքական գերատեսչության հետ համագործակցությամբ ու ռուս խաղաղապահ զորախմբի մասնակցությամբ:
«Շարունակվում է Լաչինի միջանցքի և ընդհանուր ԼՂ շուրջը ստեղծված իրավիճակի հանգուցալուծման ուղիների որոնումը»,- ասել է Զախարովան:
Նա այլ մանրամասներ չի ներկայացրել:
Ադրբեջանը 2022 թվականի դեկտեմբերի 12-ից փակ է պահում Արցախը Հայաստանին ու աշխարհին կապող միակ ճանապարհը՝ Բերձորի միջանցքը:
Add new comment