Մենք միշտ ասել ենք, որ Ղարաբաղը ձեր տարածքն է. Գերմանիայի նախագահը՝ Ալիևին
Գերմանիայի նախագահ Ֆրանկ Վալտեր Շտայնմայերը շնորհավորել է Ադրբեջանին և Հայաստանին խաղաղության պայմանագրի տեքստի շուրջ համաձայնության գալու կապակցությամբ։ Նա կոչ է արել Բաքվին և Երևանին բաց չթողնել պահը և որքան հնարավոր է շուտ ստորագրել համաձայնագիրը։
«Հուսով եմ՝ շուտով ականատես կլինենք Հայաստանի և Ադրբեջանի միջև խաղաղության պայմանագրի ստորագրմանը, և Հարավային Կովկասում կլինի շատ տևական խաղաղություն: Մենք հասկանում ենք, որ փոխադարձ վստահությունը վերականգնելու համար ժամանակ և ջանքեր է պահանջվում: Սա շատ երկար գործընթաց է»,- այս մասին Բաքվում Ադրբեջանի նախագահ Իլհամ Ալիևի հետ հանդիպումից հետո ասել է Շտայնմայերը:
Նա նաև ասել է, «Ղարաբաղն Ադրբեջանի տարածքն է», և դա պաշտոնական Բեռլինի ուղիղ ու հստակ դիրքորոշումն է։
«Մենք միշտ ասել ենք, որ դա ձեր տարածքն է, և այսօր մենք հաստատում ենք Գերմանիայի այս ուղիղ և հստակ դիրքորոշումը», - ասել է Շտայնմայերը:
Add new comment