Մոսկվա ուղևորվող Սերբիայի նախագահի ինքնաթիռը հարկադիր վայրէջք է կատարել Բաքվում

Սերբիայի նախագահ Ալեքսանդր Վուչիչի ինքնաթիռը Ռուսաստանի վրա ուկրաինական անօդաչու թռչող սարքերի հարձակման պատճառով հարկադիր վայրէջք է կատարել Բաքվում՝ վախենալով, որ կարող է խոցվել ռուսական հակաօդային պաշտպանության համակարգերի կողմից: Այս մասին գրել են ադրբեջանական լրատվամիջոցները:

 Հաղորդվում է, որ Սերբիայի նախագահի ինքնաթիռը չի կարողացել շարունակել թռիչքը դեպի ՌԴ տարածք՝ անվտանգության սպառնալիքների, այդ թվում՝ ՌԴ հակաօդային պաշտպանության համակարգերի ազդեցության և ինքնաթիռին հարվածելու հնարավորության պատճառով։