Մենք չենք ուզում վերաֆորմատավորել մեր հարաբերությունները Ռուսաստանի հետ. Միրզոյան
Մենք չենք ուզում վերաֆորմատավորել մեր հարաբերությունները Ռուսաստանի հետ: Այս մասին Երևանում ՌԴ ԱԳ նախարար Սերգեյ Լավրովի հետ համատեղ ասուլիսի ընթացքում ասել է ՀՀ ԱԳ նախարար Արարատ Միրզոյանը՝ պատասխանելով Россия 24-ի լրագրողի հարցին:
«ԵՄ դեսպանների հետ հանդիպման ժամանակ ես խոսում էի նախևառաջ ամբողջ աշխարհում տասնամյակներ շարունակ գոյություն ունեցած անվտանգային ճարտարապետության մասին, և վերջին տարիներին մի շարք տարածաշրջաններում այդ ճարտարապետությունն արդյունավետ չի աշխատում: Իհարկե, նաև խոսում էի մեր մասին: Դա չեմ կարող ժխտել, ու մենք մեր ոչ լավ փորձից տեսանք, որ այդ ճարտարապետությունը չի աշխատում, մենք ինքներս հարկադրված եղանք փորձել վերակազմավորել, վերաքննել ու կատարելագործել այդ անվտանգության համակարգը, և այդ գործընթացը շարունակական է»,- ասել է Միրզոյանը՝ անդրադառնալով հարցին, թե պատրաստվում են վերաֆորմատավորել ձեր դաշնակցային հարաբերությունները ՌԴ-ի հետ:
«Կարող են քննարկել երկկողմ հարաբերություններում սահմանված մեխանիզմների արդյունավետ գործարկման հարցը, բայց օրակարգում հարաբերությունները վերաֆորմատավորելու հարց չկա»,- նշել է նա:
Add new comment