Հայաստանը չի պատրաստվում հրաժարվել Հաղթանակի տոնակատարություններից. Միրզոյան

Հայ ժողովուրդը նշանակալի ներդրում է ունեցել ֆաշիզմի դեմ պայքարում և չի պատրաստվում հրաժարվել Հաղթանակի տոնակատարությունից։ Այս մասին հայտարարել է ՀՀ արտաքին գործերի նախարար Արարատ Միրզոյանը իր ռուս գործընկեր Սերգեյ Լավրովի հետ մամուլի ասուլիսում։

«Հայ ժողովուրդն իր լրջագույն ավանդն է ունեցել Երկրորդ համաշխարհային պատերազմում ֆաշիզմի դեմ հաղթանակի գործում, երեք հարյուր հազար զոհ ենք ունեցել ֆաշիզմի, նացիզմի դեմ պայքարի գործում։ Հրաժարվել սրանից, չհարգել այդ մարդկանց հիշատակն ու չնշել հաղթանակը բոլորովին տեղին չի։ Դա կարող էր լինել քաղաքական կոնյուկտուրայի դրսևորում, որն այդքան էլ ճիշտ մոտեցում չի«»,- ասել է Միրզոյանը։