44-օրյա պատերազմի արդյունքում կորցրել ենք հայրենիքի մի մասը, բայց փոխարենը ձեռք ենք բերել պետություն. Փաշինյան
44-օրյա պատերազմի արդյունքում կորցրել ենք հայրենիքի մի մասը, բայց փոխարենը ձեռք ենք բերել պետություն, որն ավելի անկախ ու ինքնիշխան է։ Այս մասին ԵՊՀ-ում ուսանողներից մեկի այն հարցին, թե արդյո՞ք ձեռնամուխ կլիներ հեղափոխության, եթե կարողանար վերադառնալ 2018 թվական՝ հաշվի առնելով Հայաստանի ներկայիս վիճակը, ասել է վարչապետ Նիկոլ Փաշինյանը։
«Որպեսզի ասածս մերկապարանոց չհնչի, բերեմ կոնկրետ օրինակ. 2025 թ-ի մարտի մեկն այն օրն է, որի դրությամբ Հայաստանի Հանրապետության սահմանային բոլոր անցման կետերում ծառայություն են իրականացնում Հայաստանի Հանրապետության սահմանապահ զորքերը։ Այդ որոշումը ես կայացրել եմ 2024 թ-ին։
Ես չէի կարող այդ որոշումը կայացնել 2018-2019 թ-ին, այդ ուղղությամբ մտածելն անգամ դժվար էր։ 2024 թ-ին ես կարող էի և կայացրել եմ այդ որոշումը։
Մենք Ռուսաստանին շնորհակալություն ենք հայտնել այս ընթացքում մեզ ցուցաբերած աջակցության համար, բայց ասել ենք, որ ինքներս կարող ենք վերահսկել մեր սահմանային կետերը»,- նշել է Փաշինյանը։
Add new comment