Կրակոցների ֆոնին մարդիկ ավելի շատ են հավատում ու հույս ունենում, որ խաղաղություն կլինի. Սյունիքի մարզպետ
Սյունիքի մարզպետ Ռոբերտ Ղուկասյանը վստահեցնում է՝ կրակոցներով Ադրբեջանին չի հաջողվում սյունեցիների շրջանում խուճապ տարածել։
«Բայց թե խուճապ տարածելու բուն նպատակը որն է՝ դժվար կլինի պատասխանել, կարող են պատճառները տարբեր լինել։ Այն, որ գիշերային ժամերին կրակոցները լսելի են՝ միանշանակ է, բայց նպատակները կարող են խիստ տարբեր լինել»,- ԱԺ-ում լրագրողների հետ զրույցում ասաց նա։
Մարզպետի խոսքով՝ կրակոցների ֆոնին մարդիկ ավելի շատ են հավատում ու հույս ունենում, որ խաղաղություն կլինի։
Ադրբեջանական կողմը, ըստ մարզպետի, ցերեկային ժամերին չի կրակում, հատուկ կրակում են գիշերային ժամերին։
Սյունիքի մարզպետը հերքեց լուրերն այն մասին, թե մարզից մարդիկ ուզում են թողնել ու հեռանալ։
Add new comment