Իրանը ՄԱԿ-ի Անվտանգության խորհրդի արտակարգ նիստ է պահանջում Իսրայելի հարվածից հետո
ՄԱԿ-ում Իրանի մշտական ներկայացուցչությունը խնդրել է ՄԱԿ-ի Անվտանգության խորհրդի արտակարգ նիստ գումարել՝ կապված Իսրայելի գիշերային հարձակման հետ։ Մշտական ներկայացուցչության ղեկավար Ամիր Սաիդ Իրավանին համապատասխան նամակ է ուղարկել Անվտանգության խորհրդի նախագահին։
«Անխոհեմ, անօրինական և միտումնավոր ագրեսիայի ակտով սիոնիստական ռեժիմը մի շարք համակարգված ռազմական հարձակումներ է իրականացրել Իրանի Իսլամական Հանրապետության միջուկային օբյեկտների և քաղաքացիական ենթակառուցվածքների վրա», - «Թասնիմ» գործակալությունը մեջբերում է փաստաթղթի տեքստը:
Add new comment