Միքայել արքեպիսկոպոս Աջապահյանին ձերբակալելու որոշում կա. փաստաբան
Միքայել արքեպիսկոպոս Աջապահյանին ձերբակալելու որոշում կա, Մայր աթոռ սուրբ Էջմիածնում հայտարարեց փաստաբան Արա Զոհրաբյանը։
«Ակնհայտ է, որ այս ամենը հակաեկեղեցական շարժման շրջանակում է կատարվում։ Հիմա ընթացակարգն այսպես է լինելու երբ սրբազանը ներկայանա քննչական կոմիտե, պետք է իրենք ներկայացնեն միջնորդություն դատարան կալանքի հարցը լուծելու համար։ Դա դատարանում քննվելու է, որոշվելու է նա կալանավորվելո՞ւ է, թե՞ ոչ։ Մեր գնահատմամբ սա ակնհայտ քրեական ապօրինի հետապնդում է։ Սրբազանի համար փաստաբանական թիմ է ձևավորված։ Մենք ամեն ինչ կանենք սրբազանի պաշտպանությունն իրականացնելու համար»,- ասաց փաստաբանը։
Առավոտյան իրավապահները խուզարկություն են արել Շիրակի առաջնորդարանում, ինչպես նաև Միքայել Սրբազանի բնակության հասցեում, ապա գնացել Մայր Աթոռ, քանի որ Միքայել Սրբազանը Էջմիածնում քահանայական ժողովի է եղել։ Սրբազանը, ըստ տեղեկությունների, գնում էր Քննչական կոմիտե։
Add new comment