Մեր կողմից ձևավորվող նոր քաղաքական ուժի դեմ օգտագործվելու է երեք հիմնական ֆեյք. Նարեկ Կարապետյան

Սամվել Կարապետյանի եղբորորդի Նարեկ Կարապետյանը ներկայացրել է 3 հիմնական ֆեյք, որ օգտագործելու են հակառակորդները իրենց նոր ստեղծվող քաղաքական ուժի դեմ.

▪️Ռուսական ֆեյք. եկեք նայենք, թե ով է ՀՀ–ն վերածում գուբերնիայի. 2018-ին ՌԴ-ի դերը ՀՀ-ի առևտրաշրջանառությունում եղել է ընդամենը 27%։ Այսօր դա հասել է 45%-ի։ Եվ մտահոգիչ է ոչ թե ռուսական հետքը, այլ այն, որ երկիրը չունի այլ տնտեսական գործընկեր։

▪️Կապ այլ ուժերի հետ. այն քաղաքական ստրատեգիան, որ հաջողել է 2000-ականների սկզբին, չի կարող էֆեկտիվ լինել այսօր։ Եթե երկրի կառավարման մեջ կա պրոֆեսիոնալ, որ տիրապետում է իր գործին և ձեռքերը մաքուր են, պիտի զբաղեցնի պաշտոն։ Մեր բոլոր իշխանություններն ունեցել են 1 խնդիր` նրանք քաղաքականացրել են պետական կառավարումը։

▪️Սփյուռքը չպետք է միջամտի. սփյուռքը ամեն տարի ՀՀ-ին ուղարկում է 5 մլրդ ԱՄՆ դոլար, դա մեր ՀՆԱ-ի 20-25%-ի չափ է։ Այսինքն` սփյուռքը մենակ պետք է փո՞ղ ուղարկի, բայց երբ ուզենա խոսք ասել ՀՀ-ի ներքին կյանքի մասին, նա պետք է այդ իրավունքը չունենա։ Սա ընդունելի չէ։ ՀՀ-ի ամենագլխավոր բնական դաշնակիցը դա հայկական սփյուռքն է։