ԵԱՀԿ Մինսկի խմբի լուծարումը արդարացված է, փակելու նախաձեռնությունը պատկանում է ՀՀ-ին և Ադրբեջանին․ ՌԴ ԱԳՆ
Կարծում ենք, որ այս քայլը (խմբ․ ԵԱՀԿ Մինսկի խմբի լուծարումը) հիմնավորված և արդարացված է` հաշվի առնելով տարածաշրջանում իրավիճակի արմատական փոփոխությունները։ Այս մասին Արևելյան տնտեսական ֆորումի շրջանակներում ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մինսկի ինստիտուտները փակելու նախաձեռնությունը պատկանում է Հայաստանին և Ադրբեջանին,- հիշեցրել է Զախարովան,- այդ պետությունների արտգործնախարարները համապատասխան առաջարկությամբ օգոստոսի 11-ին դիմել էին ԵԱՀԿ՝ դրանով հաստատելով, որ Մինսկի գործընթացի գործիքակազմի ավելի շատ կարիք Բաքուն և Երևանը չունեն»։
Հիշեցնեմ, որ Մինսկի խմբի աշխատանքի ողջ ընթացքում ռուսական համանախագահությունը առավելագույն ջանքեր է գործադրել առաջադրված խնդիրների լուծման համար՝ ի շահ մեր բարեկամ Ադրբեջանի և Հայաստանի ժողովուրդների հաշտեցման»,- հայտարարել են ՌԴ ԱԳՆ-ից։
Add new comment