Բելգորոդի շրջանը հրթիռակոծվել է Ուկրաինայի զինված ուժերի կողմից
Բելգորոդի շրջանը հրթիռակոծվել է Ուկրաինայի զինված ուժերի կողմից, նախնական տվյալներով՝ տուժածներ չկան: Այս մասին հայտնել է մարզպետ Վյաչեսլավ Գլադկովը։
Այսօր, Մոսկվայի ժամանակով ժամը 10: 05-ին, հրթիռային հարձակման տագնապ է հայտարարվել մարզի ամբողջ տարածքում:
«Բելգորոդի շրջանը հրթիռակոծվել է Ուկրաինայի զինված ուժերի կողմից։ Նախնական տեղեկություններով՝ տուժածներ չկան: Պայթյունների հետևանքով Ռազումնոյե ավանում այրվել է երկու մարդատար ավտոմեքենա։ Հրշեջ հաշվարկները զբաղվում են կրակի մարմամբ»,-իր տելեգրամյան ալիքում գրել է Գլադկովը։
Տեղում աշխատում են արտակարգ ծառայությունների ներկայացուցիչները։
Add new comment