Մոլդովայում սկսվել են ՆԱՏՕ-ի երկրների հատուկ նշանակության ստորաբաժանումների զորավարժությունները
Մոլդովայի տարածքում գտնվող ուսումնական կենտրոններում սկսվել են Մեծ Բրիտանիայի, Մոլդովայի, Ռումինիայի և ԱՄՆ-ի բանակների հատուկ նշանակության ստորաբաժանումների համատեղ զորավարժությունները: Այս մասին տեղեկանում ենք ՏԱՍՍ-ից:
«Զորավարժություններն անցկացվում են չորս երկրների ռազմական հատուկ նշանակության ուժերի փորձի փոխանակման, ինչպես նաև օպերատիվ համատեղելիության բարձրացման նպատակով։ Զինվորները կանցկացնեն հրաձգության, պարաշյուտով ցատկերի, դաշտային զորաշարժերի պարապմունքներ»,- ասվում է Մոլդովայի պաշտպանության նախարարության մամուլի ծառայության հաղորդագրության մեջ։
Զորավարժությունները տևելու են մինչև ապրիլի 7-ը։ Երկրի քաղաքացիներին զգուշացրել են այդ ընթացքում երկրի ճանապարհներին ռազմական տեխնիկայի տեղաշարժի մասին։ Սահմանադրության համաձայն՝ Մոլդովան չեզոք պետություն է, բայց համագործակցում է ՆԱՏՕ-ի երկրների բանակների հետ՝ դաշինքի հետ գործընկերության անհատական ծրագրի շրջանակում։ Երկրում գործում է ՆԱՏՕ-ի հետ կապերի բյուրոն:
Add new comment