ՌԴ-ում Կիևի գործակալ է ձերբակալվել. նա տվյալներ է փոխանցել տեխնիկայի տեղաշարժի մասին
Ամուրի մարզում Կիևի գործակալ է ձերբակալվել, որը տեղեկություններ էր փոխանցել Անդրսիբիրյան մայրուղով ռազմական տեխնիկա տեղափոխող գնացքների տեղաշարժի մասին։
Տեղեկությունը հայտնում է ՌԴ անվտանգության դաշնային ծառայությունը։
«ՌԴ ԱԴԾ–ն Ամուրի մարզում կասեցրել է ՌԴ քաղաքացու (ծնված 1977 թվականին) անօրինական գործունեությունը։ Նա կասկածվում է պետական դավաճանություն կատարելու մեջ»,- ասվում է հաղորդագրության մեջ։
Պարզվել է, որ քաղաքացին Telegram-ի միջոցով հավաքագրվել է Ուկրաինայի պաշտպանության նախարարության գլխավոր հետախուզական վարչության կողմից վերահսկվող և Ռուսաստանում արգելված ուկրաինամետ ահաբեկչական կազմակերպության ներկայացուցչի կողմից։ Նա գումար է փոխանցել կազմակերպության հաշիվներին, ինչպես նաև տեղեկություն է փոխանցել Անդրսիբիրյան մայրուղով ռազմական հատուկ գործողությունների գոտի ռազմական տեխնիկա տեղափոխող գնացքների շարժի մասին։
Ձերբակալվածի նկատմամբ քրեական գործեր են հարուցվել պետական դավաճանության, ծայրահեղական գործունեության ֆինանսավորման և ծայրահեղական կազմակերպությանը մասնակցելու հոդվածներով։ Խափանման միջոց է ընտրվել կալանքը։
Add new comment