Թրամփը կրկին հրաժարվել է Ուկրաինային «Տոմահավկ» հրթիռներ տրամադրել

Թրամփը կրկին հրաժարվել է Ուկրաինային «Տոմահավկ» հրթիռներ տրամադրել։

Լրագրողը նրան հարցրել է, թե արդյոք Սպիտակ տունը կարող է այդ հրթիռները փոխանցել Ուկրաինային։

«Ոչ, գոնե ոչ հիմա։ Այո, ես կարող եմ փոխել իմ դիրքորոշումը, բայց ոչ հիմա», - պատասխանել է նա։

Ամերիկացի առաջնորդին նաև հարցրել են, թե որն է լինելու «վերջին կաթիլը» Միացյալ Նահանգների համար՝ կապված Ռուսաստանի գործողությունների հետ Ուկրաինայում։

«Վերջին կաթիլ չկա։ Երբեմն պարզապես պետք է թողնել, որ իրադարձությունները զարգանան։ Նրանք կռվում են, և նրանք պայքարում են համառորեն։

Սա դժվար պատերազմ է Պուտինի համար. շատ զինվորներ են զոհվել, գուցե մոտ մեկ միլիոն։ Դա հսկայական թիվ է։ Եվ դա դժվար է նաև Ուկրաինայի համար։ Երկու կողմերի համար էլ։ Երբեմն պետք է թողնել, որ իրադարձությունները հասնեն սահմանին, որպեսզի բոլորը հասկանան դա իրենց համար», - պատասխանել է Թրամփը։