Հայաստանը կրկին տարածք է կորցնում Սյունիքում
Հայաստանի ԱԱԾ-ն հաստատել է տարածվող լուրերը, որ ադրբեջանցիներն առաջացել են Սյունիքի Տեղ և Կոռնիձոր գյուղերի ուղղությամբ:
Մասնավորապես, ըստ ԱԱԾ հաղորդագրության, «հայկական կողմի հաշվարկներով՝ հինգ այդպիսի կետ կա, որտեղ ադրբեջանական կողմը սահմանից 100-300 մետր ավելի առաջ է տեղակայվել»:
«Ինֆո. Մեդիա» տելեգրամյան ալիքն իր տարածած կադրերը վերնագրել է` «Ինչպես են ադրբեջանցիներն ամրանում Տեղ գյուղի մերձակայքում»: Ըստ այդ աղբյուրի` այն հատվածում, որտեղ առաջ են եկել ադրբեջանցիները, ակտիվ ամրաշինական աշխատանքներ են իրականացվում։ Թշնամին նաև խրամատներ է փորում։
Add new comment