Չեմ ուզում վառելիք վատնել B-2-ի վրա. Թրամփը նախազգուշացրել է Թեհրանին

ԱՄՆ նախագահ Դոնալդ Թրամփը հայտարարել է, որ Միացյալ Նահանգները կարող են աջակցել Իրանի դեմ մեկ այլ խոշոր հարվածի, եթե վերջինս վերսկսի իր բալիստիկ հրթիռների կամ միջուկային զենքի ծրագրերի վերակառուցումը։ Նա նաև զգուշացրել է ՀԱՄԱՍ-ին ծանր հետևանքների մասին, եթե այն չզինաթափվի:

Ընդունելով Իսրայելի վարչապետ Բենյամին Նեթանյահուին, Թրամփը ենթադրել է, որ Թեհրանը կարող է աշխատել իր զենքի ծրագրերը վերականգնելու ուղղությամբ՝ հունիսյան զանգվածային ամերիկյան հարվածից հետո:

«Ես կարդացել եմ, որ նրանք կառուցում են զենքեր և այլ բաներ, և եթե այդպես է, նրանք չեն օգտագործում այն կայանները, որոնք մենք ոչնչացրել ենք, այլ հնարավոր է՝ այլ կայաններ»,-ասել է Թրամփը ասուլիսի ժամանակ:

«Մենք ճիշտ գիտենք, թե ուր են գնում, ինչ են անում, և հույս ունեմ, որ նրանք դա չեն անում, քանի որ մենք չենք ուզում վառելիք վատնել B-2-ի վրա»,- հավելել է Թրամփը: