Սենատը ընդունել է բանաձև, որն արգելում է Թրամփին առանց Կոնգրեսի հավանության ռազմական ուժ կիրառել Վենեսուելայում
ԱՄՆ Սենատը քվեարկել է բանաձևի օգտին, որն արգելում է Դոնալդ Թրամփին հետագա ռազմական գործողություններ ձեռնարկել Վենեսուելայի դեմ՝ առանց Կոնգրեսի նախնական համաձայնության։
52 սենատոր կողմ է քվեարկել փաստաթղթին, 47-ը՝ դեմ: Բանաձևն առաջ մղելու օգտին քվեարկեցին նաև հանրապետական նախագահի մի քանի կուսակիցներ:
Սենատորները քննարկել են մի շարք օրինագծեր, որոնք վերաբերում են նախագահի ռազմական լիազորությունների սահմանափակմանը՝ այն բանից հետո, երբ Թրամփի վարչակազմը սեպտեմբերին ուժեղացրել է ռազմական ճնշումը Վենեսուելայի նկատմամբ և սկսել հարվածներ հասցնել երկրի ափամերձ օբյեկտներին։
Add new comment