Հայաստանը 102-րդ ռուսական ռազմաբազան դուրս բերելու ծրագրեր չունի. Փաշինյան

ՀՀ վարչապետ Նիկոլ Փաշինյանը հայտարարել է, որ 102-րդ ռուսական ռազմաբազան երկրի տարածքից դուրս բերելու ծրագրեր չկան։

Հայաստանի տարածքում տեղակայված է 102-րդ ռուսական ռազմաբազան։ Գյումրու այս բազայի բաղադրիչն է նաև Երևանում տեղակայված «Էրեբունի» ռազմաբազան։

Վարշավայում պատասխանելով դիվանագետների և վերլուծաբանների այն հարցին, թե արդյոք հայկական կողմը դիմել է Մոսկվային բազան դուրս բերելու խնդրանքով, Փաշինյանն ընդգծել է, որ նման նախաձեռնություններ չեն եղել։

«Մենք որևէ ծրագիր, ինչպես նաև մտահոգություններ չունենք Հայաստանում 102-րդ ռուսական ռազմաբազայի գտնվելու թեմայով։ Մենք սերտ համագործակցություն ունենք ՌԴ–ի հետ` տնտեսական և քաղաքական կապեր են հաստատվել», – նշել է Փաշինյանը։

Միևնույն ժամանակ նա կրկին հայտարարել է, որ ՀԱՊԿ–ը չի կատարել իր դաշնակցային պարտավորությունները Երևանի նկատմամբ։

Բայց Փաշինյանը նաև նշել է Ռուսաստանի և ՌԴ նախագահ Վլադիմիր Պուտինի վճռորոշ դերը 2020 թվականի նոյեմբերին ԼՂ–ում հրադադար հաստատելու գործում։

Ռուսաստանի հետ ներկայիս հարաբերությունները վարչապետը բնութագրել է որպես «վերափոխում ապրող»։