Իսրայելի օդային հարվածների հետևանքով 24 ժամվա ընթացքում զոհվել է 14 մարդ

Հարավային Լիբանանի վրա Իսրայելի պաշտպանության ուժերի (IDF) կողմից իրականացված օդային հարվածների հետևանքով 24 ժամվա ընթացքում զոհվել է 14 մարդ, հայտնել է երկրի առողջապահության նախարարությունը։

«Այսօր՝ ապրիլի 26-ին, հարավային Լիբանանի վրա Իսրայելի կողմից իրականացված օդային հարվածների հետևանքով զոհվել է 14 մարդ, այդ թվում՝ երկու երեխա և երկու կին», – հաղորդել է NNA լրատվական գործակալությունը՝ հղում անելով առողջապահության նախարարության հայտարարությանը։

Նաև հաղորդվել է, որ Իսրայելի օդային հարվածների հետևանքով վիրավորվել է 37 մարդ։