ԱՄՆ-ն 60 օրով վերացրեց իրանական նավթի պատժամիջոցները
ԱՄՆ ֆինանսների նախարար Սքոթ Բեսենթը պաշտոնապես հայտարարեց Իրանի նկատմամբ սահմանված նավթային պատժամիջոցները 60 օրով ժամանակավորապես չեղարկելու և հատուկ ընդհանուր լիցենզիա տրամադրելու մասին, որն ուժի մեջ կլինի մինչև օգոստոսի 21-ը և թույլ կտա իրանական նավթի, նավթաքիմիական նյութերի ու նավթամթերքի ներմուծումը Միացյալ Նահանգներ (այդ թվում՝ ԱՄՆ սև ցուցակում գտնվող նավերով) ու դրանց դիմաց վճարումների իրականացումը ԱՄՆ դոլարով։
Այս մասին հայտնում է DW-ն՝ հավելելով, որ այս աննախադեպ որոշումը կայացվել է Շվեյցարիայում երկու երկրների պաշտոնյաների միջև կայացած գաղտնի բանակցություններից հետո, որոնց արդյունքում Իրանը պարտավորվել է ապահովել ազատ ու բաց տարանցումը ռազմավարական նշանակության Հորմուզի նեղուցով և թույլատրել ՄԱԳԱՏԷ-ի միջուկային ոլորտի մասնագետներին ու փորձագետներին մուտք գործել երկրի տարածք. թեև միջնորդ պետություններ Քաթարի և Պակիստանի կողմից բանակցությունների առաջին փուլից հետո հրապարակված համատեղ հայտարարության մեջ նման պարտավորությունների մասին հստակորեն չի նշվել։
Միևնույն ժամանակ այս մեղմացումը կտրականապես չի վերաբերում Հյուսիսային Կորեայի, Կուբայի և Ռուսաստանի կողմից օկուպացված Ուկրաինայի տարածքների անձանց հետ կապված գործարքներին և չի վերացնում Վաշինգտոնի կողմից սահմանված այլ գործող սահմանափակումները։
Add new comment