Զելենսկին խոսել է քայլերի մասին, որոնք կարող են փոխել պատերազմի ընթացքը
Ուկրաինայի նախագահ Վլադիմիր Զելենսկին հայտարարել է, որ Ղրիմում իրականացված գործողությունը մանրակրկիտ կերպով ծրագրված է եղել։
«Գործողության ընթացքը բացարձակապես ապացուցում է, որ եթե Ուկրաինան հասնի այն ամենին, ինչ մենք քննարկել ենք մեր գործընկերների հետ G7-ում, և դա կախված է մեր գործընկերների որոշումներից, մենք անհապաղ կապահովենք այն պայմանները, որոնց դեպքում Ռուսաստանը ստիպված կլինի ընտրել խաղաղությունը։ Մենք շատ ենք հույսը դնում մեր գործընկերների դրական արձագանքի վրա։ Նրանք հստակ հասկանում են, թե ինչի մասին ենք խոսում»,- իր երեկոյան ուղերձում ասել է Ուկրաինայի նախագահը։
Զելենսկին չի հստակեցրել, թե կոնկրետ ինչ հարցերի մասին է խոսքը, սակայն ավելի վաղ նշել էր, որ ԱՄՆ նախագահ Դոնալդ Թրամփի հետ քննարկել է Patriot հակաօդային պաշտպանության համակարգի համար հրթիռների արտադրության լիցենզավորման հարցը։
Add new comment