ԱՄՆ-ն պաշտոնապես ավարտել է Իրաքում իր ռազմական առաքելությունը
ԱՄՆ-ն պաշտոնապես ավարտել է «Ներքին վճռականություն» ռազմական առաքելությունն Իրաքում։ «Արմենպրես»-ի փոխանցմամբ՝ այս մասին հաղորդագրություն է տարածել ԱՄՆ պատերազմի նախարարությունը։
«Այսօր Միացյալ Նահանգները և մեր կոալիցիոն գործընկերները պաշտոնապես ավարտեցին «Ներքին վճռականություն» գործողությունը՝ համապատասխան 2024 թ. սեպտեմբերի ԱՄՆ-Իրաք համատեղ հայտարարությանը և ԱՄՆ ազգային շահերին։ Կոալիցիոն ուժերի և սարքավորումների կարգավորված դուրսբերումն Էրբիլի ավիաբազայից նշանավորում է Իրաքում «Իսլամական պետությանը» պարտության մատնած ռազմական առաքելության հաջող ավարտը», – նշված է հաղորդագրության մեջ։
Նաև նշվում է, որ այս իրադարձությունն արտացոլում է 12-ամյա արշավի հաջողությունը, որը պարտության է մատնել ԻՊ-ին՝ որպես կազմակերպված ռազմական սպառնալիք Իրաքում և ամբողջ տարածաշրջանում:
Ըստ հայտարարության՝ Միացյալ Նահանգներն ակնկալում է, որ Իրաքը և Իրաքյան Քուրդիստանը կկարողանան անկախ կերպով ապահովել անվտանգությունը և վերացնել ԻՊ-ի մնացած զինյալներին։
Ավելին` սկզբնաղբյուր կայքում։
Add new comment