Ադրբեջանի ցամաքային զորքերի հրամանատարը խոսել է Թուրքիայի հետ ռազմական համագործակցության մասին

Պաշտպանության փոխնախարար, ցամաքային զորքերի հրամանատար Էնվար Էֆենդիևը հանդիպել է Ադրբեջանում գտնվող Թուրքիայի ազգային պաշտպանության համալսարանի ռեկտոր, պրոֆեսոր Էրհան Աֆիոնջուի գլխավորած պատվիրակությանը։

Այս մասին հայտնել են Ադրբեջանի պաշտպանության նախարարությունից:

Փոխնախարարն ընդգծել է, որ Ադրբեջանի և Թուրքիայի միջև երկկողմ ռազմական համագործակցությունը հիմնված է բարեկամության և եղբայրական հարաբերությունների վրա։

Հանդիպմանը մտքեր են փոխանակվել Ադրբեջանի հետ համատեղ համագործակցության շրջանակում ռազմական կրթության հետագա ընդլայնման, ինչպես նաև փոխադարձ հետաքրքրություն ներկայացնող մի շարք հարցերի շուրջ։