Կործանվել է Իսպանիայի ռազմաօդային ուժերի «F-18» կործանիչ

Սարագոսայի ռազմաբազայի տարածքում Իսպանիայի ռազմաօդային ուժերի «F-18» կործանիչ-ռմբակոծիչ է կործանվել։

Դեպքը տեղի է ունեցել մայիսի 21-ին՝ ժամը 12։10-ին, երբ օդաչուն ցուցադրական թռիչք է կատարել: Կործանիչն ընկել է դեռևս անհայտ պատճառներով, օդաչուն հասցրել է իրեն դուրս նետել: Նրան բժշկական ուղղաթիռով անմիջապես տեղափոխել են հիվանդանոց։

Հրշեջները դեպքի վայր են մեկնել կործանիչի ընկնելուց մի քանի րոպե անց, որպեսզի մարեն վթարի պատճառով բռնկված հրդեհը։