Բայրամովը Հաքան Ֆիդանի հետ քննարկել է երկու երկրների միջև ռազմավարական ոլորտին առնչվող հարցեր

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Թուրքիայի նորանշանակ նախարար Հաքան Ֆիդանի հետ:

Բայրամովը վստահություն է հայտնել, որ երկու երկրները կշարունակեն զարգացնել ռազմավարական կապերն ու դաշնակցային հարաբերությունները։ Նախարարները մտքեր են փոխանակել երկու երկրների եղբայրական հարաբերությունների, բարեկամական և ռազմավարական գործընկերության, ինչպես նաև տարածաշրջանային հարցերի շուրջ:

Բայրամովը Ֆիդանին հրավիրել է Ադրբեջան: Հաքան Ֆիդանն ընդունել է այդ հրավերը։