Ուղիղ երկխոսությունը Հարավային Կովկասում կայուն և արժանապատիվ խաղաղության հասնելու բանալին է․ Պատել

«Ուղիղ երկխոսությունը Հարավային Կովկասում կայուն և արժանապատիվ խաղաղության հասնելու բանալին է»,- ճեպազրույցի ժամանակ ասել է ԱՄՆ պետդեպարտամենտի խոսնակի տեղակալ Վեդանտ Պատելը՝ պատասխանելով Վաշինգտոնում Ադրբեջանի և Հայաստանի արտգործնախարարների առաջիկա հանդիպման վերաբերյալ հարցին։

Հայտնում է ադրբեջանական «Report» կայքը։

Պետդեպարտամենտի ներկայացուցիչը հրաժարվել է հանդիպման ժամանակացույցի կամ հնարավոր ամսաթվի վերաբերյալ որևէ տեղեկություն հաստատելուց:

«Մենք անհամբերությամբ սպասում ենք Վաշինգտոնում բանակցությունների հաջորդ փուլին, քանի որ կողմերը Հարավային Կովկասի տարածաշրջանում ձգտում են խաղաղ ապագայի»,- նշել է նա։

#Դետքի_հետագծով

Նշենք, որ 2023 թվականի մայիսի 1-4-ն ԱՄՆ Վիրջինիա նահանգի Արլինգթոն քաղաքում կայացել է Ադրբեջանի արտաքին գործերի նախարար Ջեյհուն Բայրամովի և Հայաստանի Հանրապետության արտաքին գործերի նախարար Արարատ Միրզոյանի երկկողմ հանդիպումը։

Հունիսի 12-ին Վաշինգտոնում նախատեսված է Հայաստանի և Ադրբեջանի արտգործնախարարների հերթական հանդիպումը։