Երկու կողմերն էլ ծանր կորուստներ ունեն․ Ուկրաինան պատասխան հարված է հասցնում Ռուսաստանին
Ռուսաստանը և Ուկրաինան մարդկային մեծաթիվ կորուստներ են կրում, քանի որ Ուկրաինան պայքարում է իր հակահարձակման սկզբնական փուլում Կրեմլի ուժերն օկուպացված տարածքներից դուրս բերելու համար, կիրակի հայտարարել են բրիտանացի պաշտոնյաները, այս մասին «Դետքը» տեղեկանում է «MilitaryTimes»-ից։ Մարտից մեկնարկած Բախմուտի ճակատամարտից ի վեր ռուսական կորուստները, ըստ ամենայնի, ավելի մեծ թիվ են կազմում, ասել են բրիտանացի զինվորականներն իրենց հերթական մշտադիտարկման արդյունքում։ Բրիտանական հետախուզության տվյալներով՝ ամենաթեժ մարտերը կենտրոնացել են հարավարևելյան Զապորոժիե նահանգում՝ Բախմուտի շրջակայքում, և ավելի արևմուտք՝ Ուկրաինայի արևելյան Դոնեցկ նահանգում: Ուկրաինան պատասխան հարձակում է գործել այս տարածքների վրա և «փոքր առաջխաղացումներ ունեցել», իսկ ռուսական ուժերը «համեմատաբար արդյունավետ պաշտպանական գործողություններ» են իրականացնում Ուկրաինայի հարավում:
Ուկրաինացի զինվորականները կիրակի առավոտյան հերթական թարմացման ժամանակ հայտնել են, որ նախորդ 24 ժամվա ընթացքում Ռուսաստանն իրականացրել է 43 ավիահարված, հրթիռային 4 հարված և 51 հարձակում մի քանի հրթիռային կայանքներից։ Գլխավոր շտաբի հայտարարության համաձայն՝ Ռուսաստանը շարունակում է իր ուժերը կենտրոնացնել Ուկրաինայի արևելքում, մասնավորապես Դոնեցկ նահանգի Բախմուտի, Ավդիիվկայի, Մարինկայի և Լիմանի վրա հարձակողական գործողությունների համար։
Դոնեցկի շրջանի նահանգապետ Պավլո Կիրիլենկոն հայտնել է, որ վերջին մեկ օրվա ընթացքում երկու խաղաղ բնակիչ է զոհվել, ևս երեքը վիրավորվել են։
Ուկրաինացի պաշտոնյաները հայտնել են, որ ռուսական ուժերն ավիահարվածներ են հասցրել նաև երկրի արևելյան և հարավային այլ շրջանների վրա, որոնց հետևանքով զոհվել և վիրավորվել են խաղաղ բնակիչներ:
Հայտնի է նաև, որ ուկրաինական ուժերը վերահսկողության տակ են վերցրել Զապորոժիեի ռազմաճակատի Պյատիխատկի գյուղը, ինչպես նաև ոչնչացրել են զինամթերքի «նշանակալի» պահեստ Ռուսաստանի կողմից օկուպացված նավահանգստային Հենիչեսկ քաղաքի մոտակայքում՝ Խերսոն նահանգում»:
Արևմտյան վերլուծաբանները և ռազմական պաշտոնյաները նախազգուշացրել են, որ Ուկրաինայի հակահարձակումը՝ Կրեմլի ուժերն օկուպացված տարածքներից հեռացնելու համար, օգտագործելով Արևմուտքի մատակարարած առաջադեմ զենքերը, կարող է երկար տևել:
Add new comment