Իսրայելը մշակում է երկաթյա գմբեթի կիբեռհամակարգ՝ արհեստական ինտելեկտի կիրառմամբ սպառնալիքներին դիմակայելու համար

«Երկաթե գմբեթը, որը  «Շին Բեթը» զարգացնում է կիբեռտարածությունում, արդեն անում է իր առաջին քայլերը, ազդեցիկ դաշինքներ են ի հայտ գալիս, և այն արդեն գործի է դրվել»,- մեջբերում են իսրայելական լրատվամիջոցները Բարերի խոսքերը Թել Ավիվի համալսարանում անցկացվող միջազգային կիբեռշաբաթի ամենամյա համաժողովում:

«Մենք արդեն համագործակցում ենք ոլորտում մի շարք նշանակալի երկրների հետ և տեսնում ենք, որ համաշխարհային երկաթյա գմբեթի կիբեռհամակարգը սկսում է ձևավորվել»,- նշել է նա։

Ըստ Բարերի՝ գործակալությունն արդյունավետ օգտագործում է արհեստական բանականության տեխնոլոգիան ահաբեկչական սպառնալիքները կանխելու համար։

«Կիրառելով ԱԲ՝ մենք հայտնաբերել ենք զգալի թվով սպառնալիքներ... Որպեսզի համոզվենք, որ ԱԲ-ն կհանգեցնի էվոլյուցիայի և ոչ թե հեղափոխության, մեզ անհրաժեշտ կլինի համագործակցություն և բաց լինել տեխնոլոգիական հսկաների և անվտանգության գործակալությունների միջև»,- ասել է նա։

«Մենք ցանցի խորքերում ենք և շատ լավ տեսնում ենք, թե ինչ է կատարվում դրա ներսում՝ լրտեսություն, ահաբեկչություն, հրահրում և արտաքին ազդեցություն: Ցանցը, ինչպես և ահաբեկիչների բները Ջենինում և ահաբեկչական թունելները Գազայում, անվտանգ տարածք չեն մեր թշնամիների համար»,- հավելել է Բարերը։