Ադրբեջանական բանակի տանկային ստորաբաժանումները մարտական պատրաստության առաջադրանքներ են իրականացնում
2023 թվականի Ադրբեջանի նախապատրաստական պլանի համաձայն՝ տանկային ստորաբաժանումներում մարտական պատրաստության առաջադրանքներ են իրականացվում։
Այս մասին, «Դետքի» հաղորդմամբ, հայտնում է ադրբեջանական «Report» կայքը՝ հղում անելով Ադրբեջանի ՊՆ-ին։
Հաղթահարելով տարածքում առկա բնական և արհեստական խոչընդոտները մարտական մեքենաների կառավարման ժամանակ՝ կատարվել են պաշտպանությունում տանկային դասակի կրակը վերահսկելու, ինչպես նաև խորքից պայմանական հակառակորդի վրա առաջխաղացման խնդիրները։
Ադրբեջանական բանակում միջոցներ են ձեռնարկվում զինծառայողների գիտելիքներն ու հմտությունները բարձրացնելու, ինչպես նաև նրանց մարտական հմտությունները բարելավելու ուղղությամբ։
#Դետքի_հետագծով
Ադրբեջանը պարբերաբար իրականացնում է զորավարժություններ, առաջադրանքներ, որոնք, ակնհայտ է, զինվելու նպատակ են հետապնդում, իսկ «խաղաղության» մասին թշնամի պետության պատկերացումներն առնչություն չունեն իրականության հետ։
Add new comment