ՌԴ ԶՈՒ-ն հարված է հասցրել Ուկրաինայի էներգետիկ համակարգին՝ խափանելով սպառազինությունների փոխադրումը

Ռուսաստանի զինված ուժերը զանգվածային հարված են հասցրել Ուկրաինայի էներգետիկ համակարգին՝ խափանելով Ուկրաինայի Զինված ուժերի համար սպառազինությունների և զինամթերքի տեղափոխումը: Տեղեկությունը հայտնում է ՌԴ պաշտպանության նախարարությունը։

Հաղորդագրության մեջ նշվում է, որ հրթիռների և անօդաչու սարքերի օգնությամբ հնարավոր է եղել խոցել բոլոր այն օբյեկտները, որոնք ապահովում էին ռազմարդյունաբերական համալիրի ձեռնարկությունների և տրանսպորտի աշխատանքը։

«Հարվածի հետևանքով խափանվել է զենքի և զինամթերքի փոխադրումը, այդ թվում՝ ՆԱՏՕ-ի երկրների կողմից մատակարարվող, ռազմական գործողությունների շրջաններ»,- ընդգծել են ՊՆ ներկայացուցիչները։