Այս աշնանը Կիև կարող է մատակարարվել 100 ԱԹՍ. Բուլղարիայի պաշտպանության նախարար

Օգոստոսի 21-ին Բուլղարիայի պաշտպանության նախարար Թոդոր Տագարևն այցելել է Օդեսա և հանդիպել Ուկրաինայի պաշտպանության նախարար Ալեքսեյ Ռեզնիկովի հետ։ Պաշտոնական բանակցություններից հետո երկու նախարարները հանդես են եկել համատեղ մամուլի ասուլիսով։ Նախարար Տագարևը շնորհակալություն է հայտնել Ուկրաինայում ջերմ ընդունելության համար և ընդգծել երկկողմ համագործակցության ամրապնդման համար անձնական շփումների կարևորությունը։
Ուկրաինայի դեմ ռուսական ագրեսիայի համատեքստում Տագարևը նշել է, որ անվտանգության միջավայրը մեծապես փոխվել է 2022 թվականի փետրվարին եվրոպական անվտանգության ճարտարապետության հիմքերի վրա հարձակումից հետո, ապա հավելել, որ Բուլղարիան աջակցում է Ռուսաստանի ռազմական գործողություններից պաշտպանվելու և Ուկրաինայի տարածքային ամբողջականության ու ինքնիշխանության վերականգնման իրավական գործողություններին։
«Սև ծովում ռուսական սադրանքները խոչընդոտում են ազատ նավագնացությունը, մեծացնում են վթարների և լարվածության աճի վտանգը: Այս պայմաններում մեր առափնյա դաշնակիցների՝ Ռումինիայի և Թուրքիայի հետ ջանքերի սերտ համակարգումը նպատակ ունի ուժեղացնելու մեր հսկողությունը և իրավիճակի իրազեկումը,- նշել է նա։- Մեր երկիրը գնահատում է ուկրաինական ջանքերը՝ ինչպես երկկողմ հիմունքներով՝ տրամադրելով քաղաքական, հումանիտար և ռազմատեխնիկական աջակցություն, այնպես էլ ՆԱՏՕ-ին, ԵՄ-ին և ՄԱԿ-ին իր անդամակցության շրջանակում: Այդ կապակցությամբ որոշումը՝ ՆԱՏՕ-ին Ուկրաինայի միանալու երկփուլ գործընթացից դեպի մեկ փուլ անցնելը, հաստատում է, որ նրա տեղը եվրատլանտյան ընտանիքում է»։
«Բուլղարիան կշարունակի համապարփակ աջակցություն ցուցաբերել Ուկրաինային: Մեր հանձնառությունը մնում է անսասան և հիմնված է մեր ընդհանուր արժեքների ու դարավոր պատմական կապերի վրա»,- ամփոփել է բուլղարացի նախարարը:
Ուկրաինայի պաշտպանության նախարար Ալեքսեյ Ռեզնիկովը շնորհակալություն է հայտնել Բուլղարիային ցուցաբերած օգնության համար և մտահոգություն հայտնել Սև ծովում Ռուսաստանի գործողությունների կապակցությամբ՝ ընդգծելով հացահատիկի գործարքի ռազմավարական նշանակությունը, քանի որ պարենի համաշխարհային ճգնաժամը նաև անվտանգության ճգնաժամ է։