Ճապոնական զորքերը և ԱՄՆ-ի ծովայինները վարժանքներ կանցկացնեն Արևելաչինական ծովում
«Sankei Shimbun» թերթը հայտնել է, որ զորավարժություններ կանցկացվեն՝ կապված այդ տարածքում Չինաստանի ռազմական ակտիվության հետ։
Պարբերականի տվյալներով՝ Օկինավա և Կյուսյու կղզիների միջև ծրագրված զորավարժություններին ընդհանուր առմամբ սպասվում է մոտ 2320 զինծառայողի մասնակցություն։
Զինծառայողները պետք է համատեղ գործողություններ իրականացնեն, ինչպիսիք են դեսանտայինների հետ մղումը և վայրէջքը, ինչպես նաև զորքերի ու բեռների շտապ տեղափոխումն ուղղաթիռների օգնությամբ:
Կլինեն ուղիղ կրակի վարժանքներբ 155 մմ հաուբիցների և HIMARS բազմակի հրթիռների կիրառմամբ։
«Վճռական վիշապ» զորավարժությունների շարքն անցկացվում է 2021 թվականից: Նախկինում դրանք անցկացվել են Ճապոնիայի ամենահյուսիսային՝ Հոկայդո կղզում և երկրի գլխավոր՝ Հոնսյու կղզու հյուսիս-արևելքում:
Add new comment