Հաջիևը հանդիպել է Արմեն Գրիգորյանի հետ

Ադրբեջանի նախագահի օգնական Հիքմեթ Հաջիևն այսօր Բրյուսելում հանդիպել է Հայաստանի անվտանգության խորհրդի քարտուղար Արմեն Գրիգորյանի հետ։

Հանդիպմանը մասնակցել են Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի դիվանագիտական խորհրդականները, ինչպես նաև Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը։

Հայտարարության մեջ նշվում էր, որ այս համատեքստում ԵՄ-ն ևս մեկ անգամ ընդգծել է իր դիրքորոշումը նախորդ շաբաթ Ադրբեջանի կողմից իրականացված ռազմական գործողության վերաբերյալ։

Հիքմեթ Հաջիևն ուշադրություն է հրավիրել տեղի բնակչությանը «մարդասիրական» օգնություն տրամադրելու, ինչպես նաև նրանց անվտանգությունն ապահովելու Ադրբեջանի ծրագրերի վրա։

#Դետքի_հետագծով

Ադրբեջանի ներկայացուցչի նշած «մարդասիրական» և անվտանգության «ապահովման» ծրագրերն ընդամենը միջազգային հարթակներում ներկայանալու գործիքներ են. զուգահեռ իրականությունում Ադրբեջանը շարունակում է ցեղասպան քաղաքականությունը։