Եվլախում ավարտվել է Արցախի և Ադրբեջանի ներկայացուցիչների հանդիպումը
Ինչպես տեղեկացրել էինք, այսօր նախատեսվում էր բանակցություններ անցկացնել Եվլախում:
Այս մասին, «Դետքի» հաղորդմամբ, հայտնում է ադրբեջանական APA կայքը:
Հայկական կողմը ներկայացրել են Սերգեյ Մարտիրոսյանը և Դավիթ Մելքումյանը։
Ադրբեջանական կողմը ներկայացրել են Ռամին Մամեդովը, որը նշանակվել է հայ բնակիչների հետ շփումների պատասխանատու, Ադրբեջանի նախագահի ներկայացուցիչ Բաշիր Հաջիևը և հատուկ պատվիրակության աշխատակից Իլքին Սուլթանովը։
Հանդիպմանը որպես մասնակից ներկա է եղել ռուսական խաղաղապահ զորակազմի ներկայացուցիչը։
Հանդիպմանը քննարկվել են Արցախում բնակվող հայ բնակիչների՝ ադրբեջանական հասարակությանը «վերաինտեգրվելու հարցերը»։
Նշենք, որ բանակցություններ անցկացվել են նաև սեպտեմբերի 21-ին Եվլախում, սեպտեմբերի 25-ին՝ Իվանյանում:
Add new comment