Ադրբեջանն առաջ է տանում իր քաղաքացիներով Հայաստանի 300 բնակավայր բնակեցնելու թեզը․ Թաթոյան
Այս օրերին Ադրբեջանն ակտիվացրել և առաջ է տանում իր քաղաքացիներով Հայաստանի 300 բնակավայր բնակեցնելու թեզը` բացահայտ տարածքային պահանջներով: Այս մասին «Ֆեյսբուքի» իր էջում գրել է ՀՀ նախկին ՄԻՊ Արման Թաթոյանը։
Նշվում է, որ սեպտեմբերի 25-ին անցկացվել են խոհրդարանական լսումներ և քննարկել «Արևմտյան Ադրբեջանի» կեղծ հայեցակարգն իրացնելու հարցեր․ «Արցախի նկատմամբ 2023 թ. սեպտեմբերի 19-20-ի պատերազմից հետո Ադրբեջանը պետական մակարդակով ակտիվացրել է Հայաստանի նկատմամբ թշնամանքը` առաջ բերելով, այսպես կոչված, «Արևմտյան Ադրբեջան» կեղծ հայեցակարգը, մշակելով Հայաստանից պահանջելու ենթակա իբր վնասների հատուցման միլիարդավոր (այս պահին ընդհանուր 20 միլիարդի մասին է) ԱՄՆ դոլարների նոր պահանջներ:
Մենք շարունակում ենք այս ուղղությամբ մանրամասն ուսումնասիրությունները` ադրբեջանական թշնամանքը վեր հանելու և դրա դեմ պայքարի համար»:
Add new comment