Հայաստանը եթե խաղաղություն ուզեր, չէր հրաժարվի այս հնարավորությունից. Ալիև
«Հոկտեմբերի 12-ին ռուսական կողմի առաջարկով պետք է տեղի ունենար Ռուսաստանի, Ադրբեջանի և Հայաստանի արտաքին գործերի նախարարների հանդիպումը Բիշքեկում... Հայաստանը խաղաղությո՞ւն է ուզում, կարծում եմ` եթե խաղաղություն ուզեր, չէր հրաժարվի այս հնարավորությունից»,- այս մասին հոկտեմբերի 11-ին ասել է Ադրբեջանի նախագահ Իլհամ Ալիևը՝ ընդունելով ԱՊՀ անդամ պետությունների անվտանգության և հատուկ ծառայությունների ղեկավարների խորհրդի 53-րդ նիստի մասնակիցներին։
Այս մասին, «Դետքի» հաղորդմամբ, հայտնում է ադրբեջանական «Report» կայքը:
«Մենք պատրաստ ենք շարունակել աշխատանքը «խաղաղության» համաձայնագրի վրա։ Եթե հայկական կողմը հրաժարվի Ռուսաստանի միջնորդությունից, կարծում եմ, որ այլընտրանք կարող են լինել Ադրբեջանի և Հայաստանի արտգործնախարարների ուղիղ բանակցությունները»,- նշել է նա:
Ալիևը նաև անդրադարձել է Ֆրանսիայի հայտարարություններին` նշելով, որ Ադրբեջանը միջազգային իրավունքի հետ խնդիրներ չունի, և Ֆրանսիայի այդ հայտարարությունները պարզապես ծիծաղելի են:
#Դետքի_հետագծով
Ադրբեջանը շարունակում է ակտիվ քարոզչությունը «խաղաղության» պայմանագրի ստորագրման համար: Զուգահեռ նաև ակնհայտ է, որ խաղաղության անվան ներքո Ադրբեջանը ռազմական ճանապարհով լուծելու է իր խնդիրները:
Add new comment