Ադրբեջանը և Թուրքիան համատեղ զորավարժություն կանցկացնեն

Ադրբեջանի և Թուրքիայի բանակները համատեղ մարտավարական զորավարժություններ կանցկացնեն։

Զորավարժությունները կմեկնարկեն հոկտեմբերի 23-ին և կավարտվեն հոկտեմբերի 25-ին։

Այս մասին, «Դետքի» հաղորդմամբ, հայտնում է ադրբեջանական «Report» կայքը՝ հղում անելով Ադրբեջանի ՊՆ-ին։

Նախատեսվում է զորավարժություններն անցկացնել Բաքվում, Նախիջևանում և օկուպացված տարածքներում (խմբ.)։

Զորավարժությունները նվիրված են Թուրքիայի Հանրապետության ստեղծման 100-ամյակին։

#Դետքի_հետագծով

Թուրքիան և Ադրբեջանը համատեղ ջանքերով, սեփական շահերն առաջ տանելով, փորձում են տարածաշրջանում գերակայություն սահմանել։