Ադրբեջանի և Հունգարիայի միջև ռազմավարական գործընկերության հռչակագիր է ստորագրվել
Ադրբեջանի նախագահ Իլհամ Ալիևը պաշտոնական այցով մեկնել է Հունգարիա: Հանդիպել է Հունգարիայի նախագահ Կատալին Նովակի հետ։
«Ադրբեջանը Հունգարիայի առանցքային ռազմավարական գործընկերն է»,- նշել է Նովակը։
Նա նաև ասել է, որ Եվրոպայում էներգիայի աղբյուրների կարևորության հարցում Ադրբեջանը մեծ դեր է խաղում։
Երկու երկրների նախագահների հանդիպումից հետո ղեկավարները Ադրբեջանի ու Հունգարիայի միջև ռազմավարական գործընկերության ընդլայնման մասին հռչակագիր են ստորագրել:
Բացի դրանից՝ փոխըմբռնման հուշագիր է ստորագրվել հունգարական Վեսպրեմ ու Արցախի գրավյալ հայկական Շուշի քաղաքների միջև «բարեկամական հարաբերություններ հաստատելու և մշակույթի, զբոսաշրջության, քաղաքաշինության, գիտության, տնտեսության և հասարակական կյանքի այլ ոլորտներում համագործակցության մասին»։
Ալիևը բանակցություններ է ունեցել նաև Հունգարիայի վարչապետ Վիկտոր Օրբանի հետ։
Add new comment