Ինչո՞ւ են ԱՄՆ հանրապետականները պահանջում օգնություն տրամադրել Իսրայելին, բայց ոչ Ուկրաինային

Փորձագետներն ասում են, որ ճեղքված Հանրապետական կուսակցությունն ավելի ու ավելի է շրջվում Ուկրաինայից՝ հաջակցություն Իսրայելի:

Քանի դեռ պատերազմները շարունակում են մոլեգնել ինչպես Ուկրաինայում, այնպես էլ Գազայում, Միացյալ Նահանգների Կոնգրեսում մեկ այլ ճակատամարտ է ընթանում այն հարցի շուրջ, թե որ երկիրն է օգնություն ստանալու գումարի տեսքով:

Վերջին ամիսներին Կոնգրեսի հանրապետականներն աճող թերահավատություն են ցուցաբերել Ուկրաինայի նախագահ Վլադիմիր Զելենսկիի կառավարության համար ավելի շատ միջոցներ տրամադրելու նկատմամբ, քանի որ նրա երկիրը ձգտում է հետ մղել ռուսական լայնածավալ ներխուժումը:

Այդ ընդդիմությունն էլ ավելի է աճել հոկտեմբերի 7-ին Իսրայել-ՀԱՄԱՍ պատերազմի մեկնարկից ի վեր, երբ որոշ հանրապետականներ Իսրայելին և Ուկրաինային օգնություն ցուցաբերելը դիտարկում են կամ-կամ հարթության մեջ:

«Իսրայելը կանգնած է գոյաբանական սպառնալիքի առաջ. Ուկրաինային հատկացվող ցանկացած ֆինանսավորում պետք է անհապաղ վերահղվի Իսրայելին»,- պատերազմի սկսվելուց երկու օր անց սոցցանցում գրել է հանրապետական սենատոր Ջոշ Հոուլին:

Փորձագետների կարծիքով՝ անհամաչափ մոտեցումը, որն ավելի ուժեղ հանրապետականների աջակցությունն է ցուցաբերում Իսրայելին, քան Ուկրաինային, ազդարարում է կուսակցության աջակողմյան թևի աճող հզորության մասին:

«Ուկրաինային տրամադրվելիք օգնությունից հրաժարվելը զիջում է Հանրապետական կուսակցության կարևոր իրավունքները,- «Al Jazeera»-ին ասել է Կոռնելի համալսարանի պետական ուսումնասիրությունների պրոֆեսոր Ռիչարդ Բենսելը:- Այդ երկիրը չունի ոչ կրոնական դաշնակցի զգացմունքային գրավչությունը, ոչ էլ Իսրայելի աշխարհաքաղաքական նշանակությունը, և երկու հարցերի միջև եղած տարբերություններն արտացոլում են Հանրապետական կուսակցության ներսում ավելի խոր տարաձայնություններն աշխարհիկ ռացիոնալիզմի և աղանդավորական էմոցիոնալիզմի միջև»: