ԱՄՆ 4 զինծառայող է զոհվել Սիրիայում թիրախավորված ամերիկյան բազաներում
Սիրիական Դեյր էզ-Զորում և Ալ-Շադդադիում գտնվող ամերիկյան բազաներն անօդաչու թռչող սարքերի և հրթիռների թիրախ են դարձել՝ ի պատասխան Ալ Բուկամալ և Ալ Մայադին քաղաքների վրա ԱՄՆ օդային հարվածների։ «Դետքը» տեղեկանում է իրանական «Mehr» լրատվական գործակալությունից:
Արաբական աղբյուրները հաղորդում են, որ Սիրիայի Կոնիկո գազային հանքավայրում տեղակայված ամերիկյան բազան հարձակման է ենթարկվել 15 հրթիռի կողմից։ Հարձակման արդյունքում զոհվել է ամերիկացի չորս զինծառայող:
Երեք անօդաչու թռչող սարքի թիրախ է դարձել նաև սիրիական Ալ-Շադդադիում գտնվող ամերիկյան բազան։
Ի պատասխան Գազայի պատերազմում Իսրայելի ռեժիմին ԱՄՆ-ի աջակցության՝ իրաքյան դիմադրության խմբերը վերջին օրերին բազմիցս թիրախավորել են ամերիկյան ուժերի դիրքերը։
Իրաքում և Սիրիայում հակաահաբեկչական պայքարը գլխավորած դիմադրության հրամանատարների նահատակությունից հետո Իրաքի խորհրդարանը հավանություն տվեց օրենսդրությանը, որը կոչ է անում դուրս բերել ամերիկյան զորքերը երկրից, պահանջ, որն ԱՄՆ զորքերը դեռ պետք է կատարեն:
Add new comment