Ադրբեջանը «Վերադարձ դեպի Արևմտյան Ադրբեջան» անվամբ փառատոն է անցկացնելու
Նոյեմբերի 23-24-ը Նախիջևանում կանցկացվեն «Վերադարձ դեպի Արևմտյան Ադրբեջան» անվամբ փառատոնը և «Արևմտյան Ադրբեջան. ճանապարհ դեպի մեծ վերադարձ» միջազգային կոնգրեսը, որը նախատեսվում է կազմակերպել ամեն տարի։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Միջոցառումներին կմասնակցեն Ադրբեջանի և Թուրքիայի բարձրագույն ուսումնական հաստատությունների ռեկտորներ ու գիտաշխատողներ։
Նշվում է, որ այս փառատոնի շրջանակում գիտնականների առաջ նպատակ է դրվելու այսպես կոչված «Արևմտյան Ադրբեջանի» պատմության, մշակույթի, արվեստի, տնտեսության և այլ տարբեր ոլորտների ուսումնասիրությունը։
#Դետքի_հետագծով
Հիշեցնենք, որ «Արևմտյան Ադրբեջան» արհեստածին եզրույթի ներքո թշնամի պետությունը նկատի ունի Հայաստանի Հանրապետության ներկայիս ողջ սուվերեն տարածքը։ Ադրբեջանը գրեթե ամենօրյա ռեժիմով պետական մակարդակով շարունակում է Հայաստանի Հանրապետության տարածքների նկատմամբ ծրագրերի իրականացումը։
Թշնամի պետության կողմից պարբերաբար ծայրահեղական հայտարարություններ են արվում, որոնք նպատակ ունեն մշտական վախի մեջ պահելու հայ հանրությանը։ Ադրբեջանը մի կողմից բարձրաձայնում է «խաղաղություն» հաստատելու առաջարկների, մյուս կողմից հայտարարում է այսպես կոչված «Արևմտյան Ադրբեջան» համայնքի մասին՝ բացահայտ նշելով, որ հավակնում է ՀՀ ողջ սուվերեն տարածքին։
Add new comment