«Անհրաժեշտության դեպքում կօգտագործենք «S-400» ՀՕՊ համակարգեր». Յաշար Գյուլեր

Թուրքիան անհրաժեշտության դեպքում պատրաստ է օգտագործել Ռուսաստանից գնված հակաօդային պաշտպանության «S-400» համակարգերը։

Ինչպես հաղորդում է «CNN Turk»-ը, այս մասին ասել է Թուրքիայի ազգային պաշտպանության նախարար Յաշար Գյուլերը։

«Մենք չենք կարող գնել «S-400»-ներ և դրանք ուղարկել հեռու մի անկյուն, անհրաժեշտության դեպքում կսեղմենք «օգտագործել համալիրները» կոճակը»,- ասել է նախարարը։

Հիշեցնենք, որ Թուրքիան Ռուսաստանից գնել է 25 միլիարդ դոլար արժողությամբ չորս «S-400» ՀՕՊ համակարգ։