Ռիադում քննարկվել է արաբական հակաահաբեկչական ռազմավարության նախագիծը

Արաբական 14 երկրների ներկայացուցիչներ ներկայացրել են ահաբեկչության դեմ պայքարի արաբական ռազմավարության գործադիր ծրագրի նախագիծը, որը մշակվել է Արաբական ներքին գործերի նախարարների խորհրդի կողմից։

Դա տեղի է ունեցել Արաբական բարձր կոմիտեի յոթերորդ երկօրյա հանդիպման ժամանակ, որը հյուրընկալվել էր Նաիֆ Արաբական անվտանգության գիտությունների համալսարանի կողմից Ռիադում գտնվող կենտրոնակայանում:

Հանդիպումը կազմակերպվել էր Էր-Ռիադի Արաբական ծայրահեղականության և ահաբեկչության գրասենյակի ու ՄԱԿ-ի ահաբեկչության դեմ պայքարի գրասենյակի կողմից, այն նախագահում էր Օմանի ներկայացուցիչ, փոխգնդապետ Մուհամմեդ բեն Սալեմ ալ-Շանֆարին: Հանդիպմանը մասնակցում էին Հորդանանից, ԱՄԷ-ից ժամանած պատվիրակությունները, ինչպես նաև Բահրեյնը, Ալժիրը, Սաուդյան Արաբիան, Սուդանը, Իրաքը, Օմանը, Կատարը, Քուվեյթը, Եգիպտոսը, Մարոկկոն, Մավրիտանիան և Եմենը, GCC-ի ներկայացուցիչը:

Հանդիպմանը քննարկվել են գործադիր պլանի բաղադրիչները, դրա իրականացման միջոցները, միջազգային գործընկերների հետ առնչվող ծրագրերը, ինչպես նաև պլանի չափման, մոնիտորինգի և գնահատման մեխանիզմները:

NAUSS-ի (Naif Arab University for Security Sciences) արտաքին հարաբերությունների փոխնախագահ Խալիդ ալ-Հարֆաշն ասել է, որ ահաբեկչությունը գլխավորում է այն խնդիրները, որոնք համալսարանը ցանկանում է լուծել՝ հաշվի առնելով ահաբեկչության ազդեցությունը միջազգային անվտանգության և կայունության վրա:

Ալ-Հարֆաշը հավելել է, որ համալսարանը, համագործակցելով ՄԱԿ-ի թմրամիջոցների և հանցագործության դեմ պայքարի գրասենյակի հետ, վերջերս բացել է մասնագիտացված կենտրոն, որի նպատակն է պայքարել հանցագործությունների, այդ թվում՝ ահաբեկչության դեմ:

Նա հույս է հայտնել, որ ներկայացուցիչների ընդունած հանձնարարականներն ու բանաձևերը կհասնեն տարածաշրջանի ներքին գործերի նախարարների նպատակներին և խնդիրներին՝ խթանելով արաբական գործողություններն ահաբեկչության դեմ պայքարի ոլորտում: