Սաուդյան Արաբիան կոչ է անում վերսկսել Իսրայել-Պաղեստին խաղաղ բանակցությունները
Սաուդյան Արաբիան երեքշաբթի վերահաստատել է իսրայելա-պաղեստինյան խաղաղության գործընթացը վերակենդանացնելու անհրաժեշտությունը՝ կոչ անելով միջազգային հանրությանը կատարել իր պարտականություններն այս առնչությամբ և օգնել դադարեցնել օկուպացիան, իսրայելական հարձակումները և ապահովել խաղաղ բնակիչների պաշտպանությունը:
Դա տեղի է ունեցել Էր-Ռիադի Իրքահ պալատում նախարարների խորհրդի ամենշաբաթյա հանդիպման ժամանակ, որը նախագահում էր թագավոր Սալմանը. խորհրդի անդամները քննարկել են տարածաշրջանային և միջազգային վերջին զարգացումները, հաղորդում է Սաուդյան Արաբիայի մամուլի գործակալությունը:
Նիստի սկզբում նախարարների կաբինետին ներկայացվել է Ալժիրի նախագահ Աբդելմաջիդ Թեբբունի ուղերձը, ինչպես նաև գահաժառանգ արքայազն Մուհամմեդ բեն Սալմանի և ՌԴ նախագահ Վլադիմիր Պուտինի հեռախոսազրույցը:
Այնուհետև նախարարները քննարկել են «Մեծ քսանյակի» այս տարվա հանդիպումներին Թագավորության մասնակցության նախապատրաստական աշխատանքները՝ հաշվի առնելով նրա ցանկությունը՝ առաջ քաշելու նախաձեռնություններ և լուծումներ, որոնք կարող են օգնել հաղթահարել համաշխարհային տնտեսության առջև ծառացած մարտահրավերները:
Խոսքը, մասնավորապես, պարտքերի մարման համատեղ նախաձեռնության և «Առողջապահության անվտանգության ֆինանսական միջնորդ» հիմնադրամի գործունեության մեջ Սաուդյան Արաբիայի դերի մասին է, որը ներառում է 50 միլիոն դոլարի ֆինանսական աջակցություն՝ ուղղված համաճարակների կանխարգելմանը:
Add new comment