ՌԴ ուժերը վերահսկողության տակ են վերցրել Նիկոլաևկա գյուղը. Պրիգոժին
««Վագներ» մասնավոր ռազմական ընկերության հիմնադիր Եվգենի Պրիգոժինը երեկ հայտնել է, որ ՌԴ ուժերը վերահսկողության տակ են վերցրել ԴԺՀ-ի Նիկոլաևկա բնակավայրը»,- հայտնում է ՏԱՍՍ-ը։
Հաղորդագրության մեջ ասվում է․ ««Վագներ» մասնավոր ռազմական ընկերության ստորաբաժանումները մարտերի ընթացքում գրավել են Նիկոլաևկա բնակավայրը»։
Արտյոմովսկի (ուկրաինական անվանումը` Բախմուտ) շրջանում թեժ մարտեր են ընթանում։ Ավելի վաղ ԴԺՀ-ի ղեկավարի ժամանակավոր պաշտոնակատար Դենիս Պուշիլինը հայտնել էր, որ ՌԴ ուժերն աշխատում են այս շրջանում ուկրաինական խմբավորումներին մատակարարումների ուղիները կտրելու և փակուղու մեջ առնելու ուղղությամբ։ Նա նաև նշել էր, որ մարտերն արդեն ընթանում են քաղաքի արվարձաններում, այն թաղամասերում, որոնք բոլորովին վերջերս ուկրաինական ստորաբաժանումների վերահսկողության տակ են եղել։
Add new comment