ՀԱՄԱՍ-ը եվրոպական երկրներին կոչ է արել ճնշում գործադրել ԱՄՆ-ի վրա՝ Իսրայելին կանգնեցնելու համար. News.am
Պաղեստինյան ՀԱՄԱՍ խմբավորումը եվրոպական երկրներին կոչ է արել ճնշում գործադրել ԱՄՆ-ի վրա՝ Իսրայելին կանգնեցնելու համար, հայտնում է Al Jazeera-ն։
Խմբավորման պաշտոնական ներկայացուցիչ Ուսամա Համդանի խոսքով՝ վերջերս աշխարհի շատ երկրներ փոխել են իրենց դիրքորոշումը Գազայի հատվածում տեղի ունեցող իրադարձությունների վերաբերյալ։
«Միացյալ Նահանգների դիրքորոշումը փոխվում է. մենք դեռ կասկածում ենք և չենք վստահում Միացյալ Նահանգներին։ Նրանց դիրքորոշումը բխում է ճգնաժամից, որը կարող է նախագահ Բայդենին գալիք ընտրություններն արժենալ: Եթե ցանկանային, նրանք կարող էին դադարեցնել զենք մատակարարել Իսրայելին և չօգտագործել վետոյի իրավունքը ՄԱԿ-ի Անվտանգության խորհրդում, ասել է Համդանը։ «Նրանք դեռևս ներգրավված են այս օկուպացիայի, էթնիկ զտումների և կանանց ու երեխաների սպանությունների մեջ: Մենք կոչ ենք անում բոլոր եվրոպական երկրներին, որոնք մերժում են մեր դեմ այս ագրեսիան, ճնշում գործադրել Միացյալ Նահանգների վրա, որպեսզի դադարեցնի Իսրայելին կանաչ լույս վառել մեր ժողովրդի ցեղասպանության համար»։
Add new comment