Ադրբեջանի նախագահի հատուկ հանձնարարությունների գծով ներկայացուցիչն անդրադարձել է ֆրանս-ադրբեջանական հարաբերություններին
«Ֆրանսիան չի կարողանում ընդունել Ադրբեջանի հաղթանակը»,- ասել է Ադրբեջանի նախագահի հատուկ հանձնարարությունների գծով ներկայացուցիչ Էլչին Էմիրբեյովը ֆրանսիական «Le Monde» հրատարակությանը տված հարցազրույցում, որը հոդված է հրապարակել Ֆրանսիա-Ադրբեջան հարաբերությունների լարվածության մասին։
Այս մասին, «Դետքի» հաղորդմամբ, հայտնում է ադրբեջանական «Report» կայքը։
Նա նշել է, որ երկկողմ հարաբերություններում նկատվող լարվածության պատճառը հայ-ադրբեջանական հակամարտությունում Ֆրանսիայի որդեգրած լիովին անարդար և կողմնակալ հայանպաստ դիրքորոշումն է, նաև հավելել է, որ ԵՄ-ն, որտեղ Ֆրանսիան առաջատար երկրներից է, լրջորեն հարվածել է նրա վստահությանը։
Ըստ Էմիրբեյովի՝ Ֆրանսիայի կողմից Հայաստանին զենքի մատակարարումը խաթարում է անվտանգությունն ու կայունությունը Հարավային Կովկասի տարածաշրջանում, նրան մղում նոր ռազմական հակամարտությունների և դանդաղեցնում Հայաստանի ու Ադրբեջանի միջև խաղաղության հասնելու հեռանկարները։
#Դետքի_հետագծով
Ադրբեջանը վերջին շրջանում ակտիվորեն թիրախավորում է Ֆրանսիային և հակաֆրանսիական տրամադրություններ ստեղծում տեղեկատվական դաշտում։ Ֆրանսիան հատկապես վերջին շրջանում Ադրբեջանի կողմից թիրախավորվում է հայանպաստ դիրքորոշում հայտնելու համար։
Add new comment