Ալիևը հինգերորդ անգամ ստանձնեց Ադրբեջանի նախագահի պաշտոնը

Այսօր Բաքվում կայացել է Ադրբեջանի նախագահ Իլհամ Ալիևի պաշտոնամուտի արարողությունը։

2003 թ.-ից երկրի նախագահի պաշտոնը 5-րդ անգամ ստանձնող Ալիևի երդմնակալության արարողությունը կայացել է Ադրբեջանի խորհրդարանի՝ Միլլի մեջլիսի հատուկ նիստի ընթացքում։

Ալիևը փետրվարի 7-ին կայացած արտահերթ նախագահական ընտրություններում ստացել էր քվեների ավելի քան 92 տոկոսը։

Երեկ ընտրությունների արդյունքները պաշտոնապես հաստատվել էին Ադրբեջանի Սահմանադրական դատարանի կողմից։

Ադրբեջանական օրենսդրության համաձայն` նախագահի երդմնակալությունից հետո երկրի կառավարությունն ամբողջ կազմով պետք է հրաժարական տա, որից հետո նախարարական նոր կաբինետ կձևավորվի։