Ղրղըզստանի նախագահն ու զինվորական պատվիրակությունն այցելելու է Թեհրան

Ղրղըզստանի նախագահ Սադիր Ժապարովը պաշտոնական այց կկատարի Իրան։ Նախագահին ուղեկցելու է Ղրղըզստանի զինվորական պատվիրակությունը։ Նախատեսվող այցերի մասին հաղորդել է Բիշքեկում Իրանի դեսպան Սաիդ Խարազին։

Թեհրանը Բիշքեկին առաջարկում է զարգացնել տրանսպորտային համագործակցությունը՝ օգտագործելով Պարսից ծոցի իրանական նավահանգիստները, իսկ ռազմական ոլորտում դիտարկվում է իրանական հետախուզական ԱԹՍ-ների վաճառքի հարցը։